Bismilla ngamwadiso
Uswifu , mkapvapvo, mtsibili
Ye yaka mlimani ya pvanga bahari
Ye yamyeza usade djuu pvo Bishioni, Iconi

Pvo kapviridjohe ndo yatsitsilwa
Ni mzade Mmadjamu mwinyi imani
Ha mombeleya yeza mhundra
Yake hafidhul’kur’ani

Yadje ye yezi yakena imani
Yake mwema sultwani
Yake beramu pvo Shangani
Ha pwa nyandu, na uppvanga Pohori

Ankili ho zeloni, Trambwe mtsimbili
Nyaswiya za faswaha, tareha hehantsi
Ickoni hazaliwa,Kwabani hahuliya
Ye Komori Kamili haunishiya.

Leo Trambwe hadja hahe Mbeni
Ho henya Fwambaya mdji wa tareha
Mafundi wapvama, Kamarudni, Sheha Hamada
Ye za Trambwe, fikira watrangaza

Leo zizaliya za Trambwe
Yili uhuyisha ye mizani
Bayina usulutwani, ufaswaha
Na ankili, watrungu shama
Sha Pohori.

Shikaye sababuyentsi yende usoni
Haudjuwa uhususwiya na tarehi
Shinduantsi,shike ndo shiundatsi
Illi ugabili ye zama za hwiyili
Zamdru uka ngazidja ,yale zafarantsani

Ho hamgu mwinyi enzi,
Samaha ritaradji
Yeka ramba kazambwa
Haurikosa ha zitrendwa

Mba zinu piya nde mahaba
Yahatru na Mbaye Trambbwe
Yili yaenshi mofikirani
Yalale morohoni.

Mgu narizidishe she imani
Yaripuwe na shaitwani
Ye Komori yitsi tolwa ye za mbani
Nde maanduyi mo ntsa na tsani

Mi wambo zinu, mi Abubakari
Mshikoni na udroni
Mi ntsi ppvandzi, shaunu utsndzi
Na hwantzoka marengweni
Haizo nyi wenyi honko kwezi
Samaha ngamu mtsahoni
Hautimizi lahangu pohohori

Abou
Mbeni le 23/06/02
Journée nationale Mbaye Trambwe