Hodi.........Hodi yihwe
karibu.......Yewendo ?
Mi mze mlashahe
Bomze mlashaha bariza mida mindji
Salama alihamdulilahi
Ye pvanu ngodoka mnono ?
Yewa sha ngodjuwo zetabu bo djipviza
Badi wewu djwa hutsatsaya

Pvanu ndja tsatsaya mvulini bo djipviza....
Nga mi hondani tsikantsi gamtso pviliya mtsundji wanyoshi
Ngamtsolinda ye ndjizi yikaze nede nayipuwe

Sha wutsishe djawu ba yapvo miwuroha hondani
Tsivaya yebushuti mdzadza zawadi yanihuliya
Sha ndehika tsiwono mna djosi yavuzwa pvahanu
Hawu yeka ngamwendo bundjiliyoni pvo bangweni

Yeyiho gwendo warende ?
Hayi hamba ngamnarendje pvobagweni ?
Gamwendo nawone yizagniwa ne lebeya 
Natsuzi fikiri wala natsuzi ravuwu !
Yapvo gwendo wafanyedje tsena
Miwukaza womharuma wahangu tsende tsidodjusa makurunudu
Nowonesa wowazuguwa nowa trwana wabeya hukami ndenasisa yeharusi.
Neredjeyi hondani miwulinda wafagne
yezamdji neza miraya,nezantsi
Halafu yapvo yezahaho zowufagna ndazi ?
Nde zokaza yekofandjema yahangu homadjilisini
Narege zeswafi zamwa ndo.

Badi wena akili !!!!ngwandzo mdwa dohura !!!!!!
Bawe tsimze mlashahahe
We mze mkaziliyo
Wedja guzi yawona nazi
We mhelezi djoshoni watsu lirema nkuni
We mdruhulwa djungu watsu kaziziwa nobora wulawedzaya

Massali